Feeds:
Posts
Comments

Posts Tagged ‘Kahan Thay Pakistani Tum?’

Kahan thay Pakistani tum?
Kahan thay Pakistani tum?

 
Jab Aamir nay, Jab Zaalim nay
Jab deen key jhotay aalim nay
Apas may tumhay laraaya tha
Nafrat ka sabaq parhaya tha
Tum apnoon say hi dartay thay
Apas may lartay martay thay
Jab maon behnoon key sar say
Wuh chaadar cheena kartay thay
Aur zulm ki chaahat bhartay thay
 
Kahan thay Pakistani tum?
Kahan thay Pakistani tum?

 
Jab watan-e-aziz ki izzat ku
Wuh paon say ronda kartay thay
Iqbal key shaheen bachay bhi
Ek Haq ki baat say dartay thay?
Jab choor daaku mil kar sab
Taaqat key aiwanoon may
Qanuun banaya kartay thay
Aur qaatil loot key ghurbat say
Gallion may faakhir phirtay thay

 
Kahan thay Pakistani tum?
Kahan thay Pakistani tum?

 

Jab chaand tara jhanday ka
Zulmat ki aag may jalta tha
Tum sooba sooba kartay thay
Aur kaafir kaafir kehtay thay
Uss key naam pey dharti may
Khoon bahaya kartay thay.
Khud kash hamlon say apnay
Kya khoob tamasha kartay thay.
Ab Uss say naala kartay ho?

Ab Zaidi tumsay kehta hai
Key waqt hi tumsay puchay ga
 
KAHAN THAY PAKISTANI TUM? KAHAN THAY PAKISTANI TUM?

Syed Ali Abbas Zaidi – Plastic Tearz: An Insight

Read Full Post »